«ҰЛЫ ДАЛА ЖОРЫҒЫ-2024»: ТӨРТІНШІ КҮННІҢ ҚОРЫТЫНДЫСЫ
22 мая, 2024
Б.ТҰРЛЫБЕКОВ ҰЛТТЫҚ СПОРТ ҚАУЫМДАСТЫҒЫНЫҢ ВИЦЕ-ПРЕЗИДЕНТІ – АТҚАРУШЫ ДИРЕКТОРЫ БОЛЫП ТАҒАЙЫНДАЛДЫ
2 июля, 2024
«Жетісу» командасы «Ұлы дала жорығының» үшінші маусымында жеңімпаз атанды.
Астанада «AMANAT» партиясының қолдауымен көрнекті геолог-ғалым Қаныш Сәтбаевтың 125 жылдығына орай ұйымдастырылған «Ұлы дала жорығы» кең ауқымды республикалық марафон-бәйгесінің үшінші маусымы өз мәресіне жетті. Жарысты «AMANAT» партиясының қолдауымен ҚР Ұлттық спорт қауымдастығы және оның құрамына кіретін «JORYQ» ат спорты федерациясы ұйымдастырды.
Жеңімпаздарды марапаттау рәсіміне «AMANAT» партиясының Атқарушы хатшысы Дәулет Кәрібек, Ұлттық спорт қауымдастығының президенті Исламбек Салжанов, марафон-бәйгенің тең ұйымдастырушысы Әлібек Әлденей, «JORYQ» ат спорты федерациясының президенті Бақытжан Тұрлыбеков, Мәжіліс депутаттары, «AMANAT» партиясы фракциясының мүшелері Аманжол Әлтай және Қазыбек Әлішев қатысты.
«AMANAT» партиясының Атқарушы хатшысы Дәулет Кәрібек соңғы уақытта қоғамның ұлттық спорт түрлеріне деген қызығушылығы арта түскенін атап өтті.
«Өздеріңізге мәлім, «Ұлы дала жорығы» марафон-бәйгеcін Мемлекет басшысы назарында ұстап, үнемі қолдау көрсетіп келеді. Күні кеше «AMANAT» партиясы фракциясының депутаттары көтерген Қазақ жылқыларының тұқымын сақтау және молайту туралы заң жобасы бірінші оқылымда мақұлданды. Осы арқылы мемлекет асыл тұқымды жылқыларымызды қорғау үшін бар жағдайды жасайтын болады», – деді ол.
Сонымен, бес күнге созылған жарыстың қорытындысы бойынша мәре сызығын бірінші болып Жетісу облысының командасы кесіп өтті, жалпы уақыты 32 сағат 40 минут 18 секундты құрады. Екінші орын Маңғыстау облысының шабандоздарына (33 сағат 05 мин. 30 сек.), үшінші орын Алматы қаласының командасына (33 сағат 31 мин. 08 сек.) бұйырды. Төртінші орынды Жамбыл облысының құрамасы (34 сағат 22 мин. 03 сек.), бесінші орынды Астана қаласының командасы (37 сағат 10 мин. 32 сек) иеленді.
|
№ |
Облыс |
КҮН | Күннің жалпы уақыты |
| 1 | 19 (Жетісу обл) | 1 | 5:55:36 |
| 2 | 6:48:19 | ||
| 3 | 6:57:11 | ||
| 4 | 7:20:07 | ||
| 5 | 5:39:05 | ||
| Финиш | 32:40:18 | ||
| 2 | 12 (Маңғыстау обл) | 1 | 5:49:36 |
| 2 | 6:52:52 | ||
| 3 | 7:30:48 | ||
| 4 | 7:20:34 | ||
| 5 | 5:31:40 | ||
| Ф | 33:05:30 | ||
| 3 | 02 ( Алматы қ.) | 1 | 6:09:30 |
| 2 | 6:46:16 | ||
| 3 | 7:35:52 | ||
| 4 | 7:28:46 | ||
| 5 | 5:30:44 | ||
| Ф | 33:31:08 | ||
| 4 | 08 (Жамбыл обл) | 1 | 5:52:24 |
| 2 | 7:27:53 | ||
| 3 | 8:24:30 | ||
| 4 | 7:29:12 | ||
| 5 | 5:08:04 | ||
| Ф | 34:22:03 | ||
| 5 | 01 (Астана қ.) | 1 | 6:35:05 |
| 2 | 7:58:15 | ||
| 3 | 8:35:16 | ||
| 4 | 7:34:25 | ||
| 5 | 6:27:31 | ||
| Ф | 37:10:32 | ||
| 6 | 09 (Қарағанды обл) | 1 | 6:40:55 |
| 2 | 7:44:00 | ||
| 3 | 9:24:28 | ||
| 4 | 8:04:49 | ||
| 5 | 6:38:15 | ||
| Ф | 38:32:27 | ||
| 7 | 15 (СҚО) | 1 | 5:51:35 |
| 2 | 9:45:11 | ||
| 3 | 9:32:21 | ||
| 4 | 9:03:49 | ||
| 5 | 7:02:25 | ||
| Ф | 41:15:21 | ||
| 8 | 10 (Қостанай обл) | 1 | 6:30:10 |
| 2 | 6:59:51 | ||
| 3 | 8:18:54 | ||
| 4 | 9:52:36 | ||
| 5 | 9:55:37 | ||
| Ф | 41:37:08 | ||
| 9 | 13 (Түркістан обл) | 1 | 6:39:57 |
| 2 | 9:04:39 | ||
| 3 | 10:42:08 | ||
| 4 | 10:43:22 | ||
| 5 | 9:28:25 | ||
| Ф | 46:38:31 | ||
| 10 | 20 (Ұлытау) | 1 | 6:55:30 |
| 2 | 10:03:15 | ||
| 3 | 11:14:30 | ||
| 4 | 9:10:22 | ||
| 5 | 10:58:18 | ||
| Ф | 48:21:55 | ||
| в/з | 14 ( Павлодар обл) жарыстан тыс | 1 | 6:29:01 |
| 2 | 9:42:12 | ||
| 3 | 12:48:13 | ||
| 4 | 9:03:14 | ||
| 5 | 8:47:02 | ||
| Ф | 46:49:42 |
Үшінші маусымда 500 шақырымды еңсерген «Рекорд» командасының келесі шабандоздары үздік атанды: Жетісу облысынан Мәулетхан Ералы (32 сағат 24 мин. 42 сек), Қостанай облысынан Мұхамбетов Әлихан (32 сағат 32 мин. 08 сек), сондай-ақ Шығыс Қазақстан Облысының екі шабандозы — Етреков Әбіш (34 сағат 01 мин. 37 сек) және Жұмашов Дулат (34 сағат 53 мин. 37 сек).
Биыл Павлодар – Астана бағытындағы марафон-бәйгеге барлығы 19 команда қатысқанымен, олардың тек 11-і ғана жарыс қашықтығын толып жүріп өте алды.
«Бүгінде «Ұлы дала жорығы» марафон-бәйгесі тек дүбірлі додаға ғана емес, сонымен қатар көшпенділер мәдениетін ілгерілетудің бірегей жобасына айналды. Қыркүйек айында шабандоздарымызды жаңа жарыс күтіп тұр. Олар V Дүниежүзілік көшпенділер ойындары қарсаңында халықаралық марафонға қатысады. Бұл – бүкіл әлемге шабандоздарымыздың ептілігі мен шеберлігін, сондай-ақ қазақ жылқыларының төзімділігін көрсетудің тамаша мүмкіндігі», – деді ҚР Ұлттық спорт қауымдастығының президенті Исламбек Салжанов.
Алғашқы үш жүлдегер команда 2-7 қыркүйек аралығында өтетін «Ұлы дала жорығы» күзгі халықаралық марафонына лицензия алады.
«Ұлы дала жорығының» бас серіктесі – ҚР Ұлттық спорт түрлері қауымдастығы. Сондай-ақ жарысқа «AMANAT» партиясы, Павлодар және Ақмола облыстарының әкімдіктері, ҚР Туризм және спорт министрлігі қолдау көрсетті.
Жеңімпаздардың марапаты: Алғашқы үш жеңімпаз 5-ші Дүниежүзілік көшпенділер ойындары алдында 3-7 қыркүйек аралығында өтетін халықаралық марафон-бәйгеге қатысуға лицензия алады. Халықаралық кезеңге шет мемлекеттерден кемінде 10 команда қатысады деп күтілуде (Түркия, Сауд Арабиясы, Моңғолия, Венгрия, Түрікменстан, Иран, Өзбекстан және т.б.).
Сараптамалық қорытынды: Марафон жұмысына 2 халықаралық және 3 қазақстандық судья, сондай-ақ 2 халықаралық және 3 қазақстандық мал дәрігері қатысып, жоғары стандарттарды сақтау мен жылқылардың денсаулығына қамқорлық жасауға кепілдік берді.
Ақпараттық серіктестер: «Қазақстан», «Хабар», «Астана» телеарналары.
«Ұлы Дала Жорығы» – жылқы баласының ең мықты әрі төзімді тұқымы анықталатын далалық лабораториясы.
Марафон жаңалықтарын www.joryq.kz ресми сайтында, әлеуметтік желілерде бақылаңыз: fb — JORYQ, Instagram — joryqofficial, Tik-Tok — JORYQ, youtube — JORYQ.
БАҚ-пен ынтымақтастық және өзара іс-қимыл мәселелері бойынша + 7 777-214-01-71 нөмірі бойынша Рауан Есқалимен хабарласуларыңызды сұраймыз.
Құрметпен, «Ұлы дала жорығының» ұйымдастыру комитеті
