3-7 қыркүйекте өтетін «Ұлы дала жорығы» халықаралық марафон-бәйгесіне қатысу мақсатында Қырғызстан құрамасы ең жүйрік және төзімді тұлпарларды таңдау үшін көпкүндік ат спорты марафонын ұйымдастырды.
Қырғызстан Ат спорты федерациясының вице-президенті Манас Сұлтанов:
«Ұлы дала жорығы» марафон-бәйгесіне қатысуға шақыру алу біз үшін зор мәртебе.
Қазақстанда өтетін көпкүндік ат жарысына дайындық аясында 300 шақырымдық қашықтыққа «Кочмондор журушу» іріктеу марафоны өтті.
Барлық командаларға сәттілік тілеймін және жеңімпаздардың көп болуын қалаймын. Ең төзімді және жылдам сәйгүліктер жеңіске жетіп, тұғырдан көрінетініне сенімдімін».
