«Рекорд» командасының өкілі 21 жастағы Мағжан Абдолұлы 1300 шақырымның соңғы 50 шақырымын бағындыруға таңғы сағат 7.10-да аттанып, Түркістандағы мәре сызығын 08 сағат 44 минут 09 секундта бірінші болып кесті.

Астанадан Түркістанға дейінгі 1300 шақырымды бастан-аяқ 1 атпен еңсеруді мақсат еткен «Рекорд» командасының құрамы Астана қаласы, Маңғыстау мен Жетісу облыстарының шабандоздарынан құралған.

Қазақ жылқысының атын Гиннес рекордтар кітабына енгізуді көздеген азаматтарға төрешілердің шешімімен қомақты жүлде беріледі.

Яғни, 1-орынға – 2,5 миллион теңге, 2-орынға –  2 миллион теңге, 3-орынға – 1,5 миллион теңге тиесілі болады.

Марафон-бәйгенің Бас серіктесі – «Sport Qory» туризм индустриясы мен спортты қолдау қоры